{"id":1280,"date":"2020-11-04T03:20:29","date_gmt":"2020-11-04T03:20:29","guid":{"rendered":"https:\/\/staiindojkt.ac.id\/?p=1280"},"modified":"2020-11-04T03:20:31","modified_gmt":"2020-11-04T03:20:31","slug":"nasehat-nabi-ke-negri-syam-dalam-tata-bahasa-aceh","status":"publish","type":"post","link":"https:\/\/staiindojkt.ac.id\/?p=1280","title":{"rendered":"NASEHAT NABI KE NEGRI SYAM DALAM TATA BAHASA ACEH."},"content":{"rendered":"\n

NABI JAK MEUKAT U NANGGROE SYAM<\/strong><\/p>\n\n\n\n

Lailaha illallah, troih u Makkah Nabi gisa
Abu Thaleb ulon kisah, neuwoe pantah sigra-sigra<\/p>\n\n\n\n

Neuwoe katroh nanggroe Makkah, tulong Allah han binasa
Laba pile bak meuneukat, bandum rakyat hate suka
Kaji pujoe Nabi Muhammad, \u2018oh ji ingat lethat laba
Thon keudua bungka u Syam, \u2018alihis salam ngon Abubaka<\/p>\n\n\n\n

Rakyat pile neuba sajan, maseng kandran guda unta
Yohnyan lahe that mukjizat, Tuhan Hadlarat nyang peunyata
Ngon mukjizat Nabi sidroe, rotpi katoe \u2019oh neubungka
Bungka u Syam troh siuroe, Tuhan sidroe nyang kuasa<\/p>\n\n\n\n

Bandum rakyat hana troh pham, salah waham kira-kira
Dua uroe dua malam, katroh u Syam dum geubungka
Sabab toe that siat katroih, nanggroe jeuoh hanatara
Ngon nanggroe nyangka jeuoh, na le 40 uroe bungka<\/p>\n\n\n\n

Bungka gonyoe troihle siat, that mukjizat Nabi kita
Laen nibak nyan lahe mukjizat, deureuham lethat dengon dinar
Me dinanggroe saboh direuham, \u2018ohtroh u Syam nam reutoihka
Lahe mukjizat \u2018alaihissalam, hana troih pham rakyat dumna<\/p>\n\n\n\n

Dina deureuham meutamah brat, ngon mukjizat Nabi kita
Lethat laba ureueng meukat, bandum rakyat hate suka
\u2018Ohtroih u Syam meubloe leugat, keumah siat dumban nyangka
Yumpi murah nibak dilee, miseue lagee haba nyangka<\/p>\n\n\n\n

Laba lethat meuploh ribee, hingga sampee lon calitra
Bandum rakyat mangat hate, han ek pike lethat laba
Meubloe pilheueh meukat hase, geupeudiengle ateueh unta
Hanpeue beureukah deungon ikat, barang meusapat ateueh guda<\/p>\n\n\n\n

Hana payah bandum rakyat, ngon mukjizat Nabi kita
Baroe geujak singoh geuwoe, troih u nanggroe Makkah mulia
Mangat hate dum sinaroe, Syam pikatoe \u2018oh geubungka
Abubakar hireuen laloe, dum sinaroe ngon lasyeuka<\/p>\n\n\n\n

Geuwoe katroh nanggroe Makkah, hate dahsyah rakyat dumna
Dum sinaroe hana payah, deuek deungon grah tan jirasa
Abubaka ngon Rasulullah, neubri seudeukah hana reuda
Aneuk yatim faki miseukin, ureueng gasien habeh kaya<\/p>\n\n\n\n

Ureueng balee neubri salen, ban siseun tren bajee ija
Lailaha illallah, pujoe Allah bekna reuda<\/p>\n\n\n\n

Thon nyang keulhee Rasulullah, u Syam leupah lom neubungka
Sajan-sajan ngon Basyarah, namiet Katijah ureueng kaya<\/p>\n\n\n\n

Siribee 600 kandran geupeugah, that barullah dum areuta
Sidumnan le di Khadijah, Qureh Makkah laen kira
Ureueng bungka that barullah, galak leupah lethat laba
Rot pikatoe Syam ngon Makkah, tanle payah \u2018oh geubungka<\/p>\n\n\n\n

Areuta Qureh meupasukan, lon peugah ban he syeedara
Dua ribee unta kandran, bungka sajan dum seureuta
Umu Nabi duaploh thon, yoh bungka phon lon calitra
Awan dilanget jak meuron-ron, dum meuhimpon keunan teuka<\/p>\n\n\n\n

Mata uroe hana tutong, awan keu payong rakyat dumna
Reului rakyat padok uroe, hingga sampoe bak geuhala
Uroe geujak troihle u Syam, \u2018alaihis salam mukjizat nyata
Barang geuba habeh siat, laba lethat hate suka<\/p>\n\n\n\n

Baroe geujak singoh geuwoe, troih u nanggroe Makkah mulia
Beungoh uroe troh u Makkah, Mubasyarah hate suka
Mangat hate dum kafilah, hanle payah jalan safa
Troih Basyarah bak Khadijah, ka jipeugah dum rahsia<\/p>\n\n\n\n

Lahe mukjizat ka jipeugah, Siti Katijah hate suka
Ka neu tanyongle Khadijah, bak Basyarah saboh rahsiya
Tadeungo lon hai Basyarah, nyoe lon peugah ubak gata
Lon meulumpoe bak simalam, dua jam kaleupah \u2018Isya<\/p>\n\n\n\n

Yoh neu peujeuet uleh Tuhan, ulontuan milek Saidina
Dalam hukom Nabi Muhammad, indah sangat hanatara
Ulon lumpoe malam Jumeu\u2019at, meunan \u2018alamat lam rahsia
Pakri t\u2019akbi cuba peugah, hai Basyarah tacalitra<\/p>\n\n\n\n

Basyarah kheun bak Khadijah, pocut meutuah meubahgia
Takbi pocut kalon ingat, le mufa\u2019at Po keu gata
Didonya kon troih akhirat, lam seulamat leupah bahya
Meunan Basyarah ji amanat, Katijah ingat sikutika<\/p>\n\n\n\n

Lheueh nyan marit Siti Kahdijah, ngon Basyarah peugah haba
Meunyo meunan he Basyarah, ngo kupeugah ubak gata
Areuta lon tame keu Rabbi, meuligoe kami nyang bak gata
Sireubee 600 unta kandran, areuta lon nyan tapeulara<\/p>\n\n\n\n

Bandum tabri keu Abu Thaleb, supaya seb keu beulanja
Lon meukawen ngon Nabiyullah, bek tapeugah dum rahsia
Beulanja teulangke ba keu ayah, bekthat susah geujak mita
Basyarah ngo kheun Katijah, dum geukeubah dalam dada<\/p>\n\n\n\n

Keu Abu Thaleb jijok pantah, unta kibaih ngon areuta
Ka ji wasietle Basyarah, meunoe ulah ji calitra
Hai Abu Thaleb ngo lon peugah, kheun Khadijah ubak gata
Nyoe areuta tuan Katijah, neuyue bri sah dum keugata<\/p>\n\n\n\n

Keu beulanja Nabiyullah, keu nafakah deungon gata
Teuma kawen ngon Nabiyullah, Siti Khadijah hate suka
Abu Thaleb ngo kheun Basyarah, seuot pantah meunoe haba
Tadeungo lon he Basyarah, nyoe lon peugah ubak gata<\/p>\n","protected":false},"excerpt":{"rendered":"

NABI JAK MEUKAT U NANGGROE SYAM Lailaha illallah, troih u Makkah Nabi gisaAbu Thaleb ulon kisah, neuwoe pantah sigra-sigra Neuwoe katroh nanggroe Makkah, tulong Allah han binasaLaba pile bak meuneukat, bandum rakyat hate sukaKaji pujoe Nabi Muhammad, \u2018oh ji ingat lethat labaThon keudua bungka u Syam, \u2018alihis salam ngon Abubaka Rakyat pile neuba sajan, maseng […]<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[26],"tags":[],"class_list":["post-1280","post","type-post","status-publish","format-standard","hentry","category-berita"],"_links":{"self":[{"href":"https:\/\/staiindojkt.ac.id\/index.php?rest_route=\/wp\/v2\/posts\/1280","targetHints":{"allow":["GET"]}}],"collection":[{"href":"https:\/\/staiindojkt.ac.id\/index.php?rest_route=\/wp\/v2\/posts"}],"about":[{"href":"https:\/\/staiindojkt.ac.id\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/staiindojkt.ac.id\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/staiindojkt.ac.id\/index.php?rest_route=%2Fwp%2Fv2%2Fcomments&post=1280"}],"version-history":[{"count":1,"href":"https:\/\/staiindojkt.ac.id\/index.php?rest_route=\/wp\/v2\/posts\/1280\/revisions"}],"predecessor-version":[{"id":1281,"href":"https:\/\/staiindojkt.ac.id\/index.php?rest_route=\/wp\/v2\/posts\/1280\/revisions\/1281"}],"wp:attachment":[{"href":"https:\/\/staiindojkt.ac.id\/index.php?rest_route=%2Fwp%2Fv2%2Fmedia&parent=1280"}],"wp:term":[{"taxonomy":"category","embeddable":true,"href":"https:\/\/staiindojkt.ac.id\/index.php?rest_route=%2Fwp%2Fv2%2Fcategories&post=1280"},{"taxonomy":"post_tag","embeddable":true,"href":"https:\/\/staiindojkt.ac.id\/index.php?rest_route=%2Fwp%2Fv2%2Ftags&post=1280"}],"curies":[{"name":"wp","href":"https:\/\/api.w.org\/{rel}","templated":true}]}}